ශ්‍රි ලංකාව සහ සිංගප්පූරුව


11මා ඉපදුන, හැදුන රට සහ දැනට සිටින රට සමඟ සැසඳීම තරම් නොවන දෙයක්. නමුත් අපට ශ්‍රී ලාංකිකයන් වශයෙන් සිංගප්පූරුවෙනුත්, සිංගප්පූරුවට ලංකාවෙනුත් ඉගෙන ගන්න ගොඩක් දේවල් තියෙනව.

1965 දී මැලේසියාවෙන් නිදහස ලබන විට සිංගප්පූරුව යනු අන්ත දුප්පත් රටක්. ඒත් ඊට අවුරුදු 40 කට පස්සෙ දැන් ලෝකයේ දියුණුම රටක් බවට පත් වෙලා. මුලදී සිංගප්පූරුවට ඕනෑ වුනේ කොළඹ නගරය “තරම්වත්” දියුණු වෙන්න. ඒ කාලෙ කොළඹට කිව්වෙ  “ආසියාවේ හරිත නගරය” කියල.

පොල් ගහේ කරටියට ගල් ගහන්න නම් හඳටවත් ඉලක්ක කළ යුතුයැයි කියමනක් තියෙනවනෙ. ඒත් පොල් ගහේ කරටියට ඉලක්ක කර ගල් ගැසූ සිංගප්පූරුව දැන් හඳට ගොහිං ඇත. අපේ කොළඹත්, රටත් ගියේ කොයිබටද? (පැවති යුද්ධය එක සාධකයක් පමණක් බව මම විශ්වාස කරමි. )

සිංගප්පූරුව අධික ජන ඝනත්වයක්ද අධික ජන විවිධත්වයක්ද ඇති රටකි. නමුත් ඉතා පිරිසිදු රටකි; මහජනතාවගේ විනය පවත්වා ගැනීම සඳහා ඉතා දැඩි නීති පනවා ඇති රටකි. නීති කඩ කලවිට මෙහි ඇති දඩ ඔලුව උස්සන්නට බැරි දඩය. Singapore is a FINE CITY කියන්නේ තේරුමක් ඇතිවය. මේ රටේ ස්වාභාවික සම්පතක් කියා කිසිවක් නැත. බොන්නට වතුර ටිකත් අල්ලපු රට වන මැලේසියාවෙන්ය. මෙහෙ මිනිස්සු පවුල් පිටින් විනෝද සවාරි යන්නේ මුහුදු වෙරළේ කූඩාරම් ගැසීමටය. නමුත් සිංගප්පූරු වැසියෝ ඔවුන්ට ඇති දේවල් උපරිමයෙන් භවිතා කරති; අලුත් ආකාරයට සිතති. ඒවා ක්‍රියාත්මක කරති; ඉතාමත් දක්ෂ සැලසුම් කරුවෝය.

ස්වාභාවික කැළයක් නැති රටේ ලොකයේ නොයෙකුත් රටවලින් සතුන් රැගෙනවිත් අග්‍රගණ්‍ය සත්තු වත්තක් සාදා ඇත. රෑට කළුවර වැටුන පසු මිනිස්සුන්ව බස් එකක් ඇතුලේ දමාගෙන සත්තු වත්ත ඇතුළේ සත්තු පෙන්නන්න එක්කං යෑම “Night Safari “යැයි කියා market කර ඇත.( ‍යාල, උඩවලව ඇතුළට රෑට එක්කගෙන ගියානම් මේගොල්ලන්ට තේරෙයි “Night Safari ” කියන්නෙ මොකක්ද කියල! මෙහෙ ඉන්නෙ කූඩු ඇතුලෙ දමාගෙන ඉන්න සත්තු. එහෙ ඉන්නෙ කැලේ ඉන්න නිදහස් සත්තු. ) අපේ රටේ ගොඩ කරන්නෙ වවාගෙන කන්න තියෙන කුඹුරු; මෙහෙ ගොඩ කරන්නෙ මහ මුහුද. තව අවුරුදු ගාණක් එහාට සැලසුම් කරල වැඩිවෙන ජනගහනයට අවශ්‍ය භූමිය හදාගන්න මෙයාල මුහුද ගොඩ කරනව.

තව අවුරුදු ගාණකට පස්සෙ අවශ්‍යවන ප්‍රවහන අවශ්‍යතා දැන්මම හදල ඉවරයි. රට කොයි තරම් නාගරීකරණය උනත් පුළුවන් හැම තැනම ගස් වවල, හැම නගරයකම නාගරික උද්‍යාන! කැලි කසල පාලනය නියමෙට. ලංකාව වගේම ලෝක සිතියමේ නියම තැනක තියෙන මේ රට ඒ වාසිය නියමෙට අරගෙන තියෙන්නෙ වරායෙනුයි, රටේ ගුවන් තොටුපොලෙනුයි. රටේ බදු අහස උසට උනාට මිනිස්සුන්ට එයාලගෙ බදු මුදල් වලින් කෙරෙන වැඩ ඇස් පනාපිටම බලාගන්න පුලුවන්. “මාටිය පාරවල්” මෙහෙ නැහැ.

දැන් බැළුවහම මීට අවුරුදු ගාණකට ඉස්සර අපෙන් පාඩම් ඉගෙනගෙන දියුණු වුණු රටෙන් අපිට පාඩම් ඉගෙන ගන්න වෙලා. හැබැ‍යි ඒක ලැජ්ජ වෙන්න ඕනි දෙයක් කියල කියන්න බැහැ. මොකද අපි තවමත් පරක්කු නැති නිසා; මේ රටේ නැති ස්වාභාවික සම්පත් ගොඩාක් අපෙ රටේ තියෙනව. ප්‍රශ්නෙ තියෙන්න අපේ අය මෙයාලගෙන් පාඩම් ඉගෙන ගන්න කැමතිද කියන එක විතරයි.

හැබැයි මේ ටිකත් කියන්න ඕනෙ. මොන දීප දේසංකරේ ගියත් අපි ලංකවෙ මිනිස්සු. අපි හිතන්නෙ පතන්නෙ ලංකාවෙ විදිහට. අපි කොයි වෙලාවෙත් හිතන්නෙ ආපහු කවද්ද ලංකාවට යන්නෙ කියල. කොච්චර දියුණු වුනත් මෙහෙ මිනිස්සුන්ගෙ සාරධර්ම අන්තිමයි. මිනිස්සු Roboල වගේ; තමුන්ගෙ වැඩේ විතරයි. අනෙකට මොනව උනත් ගාණක් නෙහෙ. අපේ රටෙ බස් එකක, කොච්චියක යනකොට වයසක කට්ටියට, ගැබිණි මව්වරුන්ට කට්ටිය නැගිටල වාඩි වෙන්න දෙනව. මෙහෙ එහෙම නැහැ. බලන බලන හැම තැනම ගහල තිබුනත් ගොඩක් අය ඔහේ අහක බලාගෙන යනව.

එතකොට තමයි අපිට අපෙ පුංචි රටේ අගය තෙරෙන්නෙ. සමහරු හැම තිස්සෙම දකින්නෙ තමුන් ඉපදුනු, හැදුනු, තමන්ට නොමිලේ උගන්වපු අපේ රටෙ වැරදිම විතරයි. එත් පිටරටකට ආවහම තමයි අපේ රට කොච්චර හොඳංද කියල තේරෙන්නෙ. නිදහස් අධ්‍යාපනයේ ප්‍රතිපල වෙන අපේ යුතුකම වෙන්න ඔනෙ අපේ රටේ යටිතල පහසුකම් දියුණු කරන්න දියුණු ලෝකයේ තාක්ෂණික දැණුම අපෙ රටට ප්‍රේෂණය කරන එක. එහෙම නැතුව බුරුතු පිටින් දියුණු රටවලට මාරු වෙන එක නෙමෙයි. මම හිතන විදිහට ඕක තමයි සී. ඩබ්. ඩබ්. කන්නංගර මැතිතුමාට අපි කරන ලොකුම ගෞරවය.

Advertisements

එක් ප්‍රතිචාරයක් (+add yours?)

  1. Wikeds
    මැයි 25, 2010 @ 21:00:52

    Its nice to have experienced places outside both those countries, which are quite different. These places comprise of the good qualities, and lack the bad qualities mentioned under both countries. Of course, no place is perfect. But, reading through your article made me feel like, the people living in those places I mentioned are quite lucky. Further, it emphasis the fact that creating such highly livable environments is not impossible.

    ප්‍රති-පිළිතුරු සැපයීම

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

%d bloggers like this: