තේ


අප්පෝ හෙණ කාලෙකින්නෙ බ්ලොග් එක පැත්තෙ ඇවිල්ල තියෙන්නෙ. ලියන්න මාතෘකා තිබුනත් ලියන්න එච්චර ගෝ එකක් නැහැ වගේ. ඒත් ඉතින් අපේ කට්ටිය ලියන ඒවනම් මග අරින්නෙ නැතුව කියවනව.

Teh Tarik හදන හැටි

ඔන්න කාලෙකට පස්සෙ ලියන්නෙ බීමක් ගැන. තේ කිව්වහම ඉතින් ලංකාවෙ කවුරුත් දිනපතා බොන දෙයක්නෙ. සමහරුන්ටනම් දවසකට 3න් 4 වතාවක් තේ බොන්න ඕනෙනෙ.

ලංකාවෙ අපි බොන්නෙ එක්කො ප්ලේන් ටී, නැත්නම් ටී (කිරි තේ). ඔය අතරෙ ඉතින් ඉඟුරු දාල හදන ප්ලේන් ටීත් නැතුවම නෙමෙයි. ඔරිජිනල් තේ; ඒ කියන්නෙ ප්ලේන් ටී වලට “ප්ලේන්” කියල විශේෂණයක් දාන්නෙත් කිරි තේ වලට නිකම්ම නිකං “ටී” කියන්නෙත් ඇයි කියන එක මට පොඩි කාලෙ ඉඳන් තියෙන ප්‍රශ්නයක්! තවමත් ඒකට උත්තරේ දන්නෙ නැහැ. (දන්න කෙනෙක් ඉන්නවනම් කියන්න)

මැලේ භාෂාවෙන් අපි ප්ලේන් ටී කියන සීනි විතරක් දාල හදන තේ වලට කියන්නෙ තේ-ඕ ( teh-o) කියල. හොඳට පෙණ එන්න කීප පාරක් යාරයක් දෙකක් ඇදල හදන කිරි තේ වලට කියන්නෙ තේ-තරික් ( teh-tarik ) කියල. ( මැලේ භාෂාවෙන් tarik කියන්නෙ  අදිනවට ) හරියට ලංකාවෙ සරුවත් හදනව වගේ. මම අහල තියෙන විදිහට ලංකාවෙ දිගම සරුවත් දාන්නේ ඉස්සර යාපනේ හිටපු සරුවත් හදපු කට්ටියලු!

Green Tea

ඔය වර්ග ඔක්කොම හදන්නේ Black Tea කියල කියන කළු තේ වලින්නෙ. ඔය Black Tea වලට අමතරව Green Tea (කොළ තේ), Yellow Tea (කහ තේ), White Tea  (සුදු තේ) කියල එක එක වර්ග වල තේ තියෙනව. ඒත් මම දන්න විදිහට Black Tea වලින් දාන සෙල්ලං ඔය අනෙක් තේ වලින් දාන්න බැහැ. Green Tea වලට පිළිකා හැදෙන එක නවත්තන්න පුළුවන් කියල කියමනක් තියෙනව අහල තියෙනව. මම ඉස්සෙල්ල වැඩ කරපු තැනක මැනේජර් කෙනෙක් බිව්වෙම Green Tea; ඒ ශරීර සෞඛ්‍යයට හොඳයි කියල. ඒත් හිනා යන දේ තමයි මිනිහ දවසකට සිගරට් පැකට් 1 1/2ක් විතර බොනව.

චීන Jasmine Tea

ඔය කිව්ව වර්ග වලට අමතරව චීන ,ජපන් කට්ටිය අතර ජනප්‍රිය තව තේ වර්ගයක් තියෙනව  Jasmine Tea කියල. දන්න විදිහට නම් Jasmine Tea කියන්නෙ Green Tea වලට සමන්පිච්ච මල් කුඩු දාල තමයි තියෙන්නෙ. Jasmine Tea එකක් හැදුවහම පැත්තම සුවඳයි; හැබැයි මම දවසක්  try කරල බැළුව කටේ තියන්නවත් බැහැ! මට ඒ රස එච්චරම දිරවන්නෙ නැහැ.

තේ කිව්වහම එක පාරටම අපිට මතක් වෙන්නෙ තේ කුඩු නෙ. හැබැයි ලෝකෙට තේ බොන එක හඳුන්වල දුන්නයි කියල විශ්වාස කරන චීන අය තේ  compress (සම්පීඩනය) කරල තේ කැට හදනව. බොන්න ඕනෙ උනහම සුප් කැට වලින් සුප් හදනව වගේ උණු වතුර එකකට දාල බොනව. චීන්නුන්ගෙ තේ වර්ග ගොඩක් තියෙනව. උපාධියක් ගන්න තරම් ඉගෙන ගන්න දේවල් චීන තේ ගැන තියෙනව. ගොඩක් චීන අය සීනි, අරව මේව මොනවත් දාන්නෙ නැතුව නිකම්ම නිකන් තේ විතරක් බොන්නත් පුරුදු වෙලා තියෙනව.

Ice Lemon Tea

සිංගප්පූරුවට ආවට පස්සෙ මම බොන්න පුරුදු වෙච්ච දෙයක් තමයි  Ice Lemon Tea කියන්නෙ. සාමාන්‍යයෙන් අපි හදන ප්ලේන් ටී එකට ලෙමන් යුෂ ටිකක් මිශ්‍ර කරල ශීතකරණයෙ දාල තියල පිලිගන්වනකොට අයිස් කැට ටිකක් දාල පිළිගැන්නුවහම ඒක Ice Lemon Tea! ඕකෙම තවත් version ටිකක් තියෙනව Ice Peach Tea, Ice Apple Tea කියල. ඔය කියන ඒවත් Ice Lemon Tea වගේමයි. වෙනස මිශ්‍ර කරන පළතුරු යුෂ වර්ගය මොකක්ද කියන එකයි.

Advertisements

ප්‍රතිචාර 2 (+add yours?)

  1. meeya
    මැයි 21, 2010 @ 22:30:25

    apppaaa dhannam tea ekak gahannama one!!!!!!

    ප්‍රති-පිළිතුරු සැපයීම

  2. Wikeds
    මැයි 25, 2010 @ 20:07:04

    You gave me few thoughts while reading your article.

    First thing is about green tea. Green tea is rich in antioxidents. Antioxidents absorb free radicals, that are usually created in the body, when you consume certain types of food. Specially ones containing a lot of fat. Free radicals speed up the aging process by degenerating the cells in the body. Thus, green tea can help slow down the processs of aging to a certain extent. I love the taste, it refreshes you as well.

    Other thind is, there are flavoured tea you can get in the form of tea bags in the market. At least, I see them in supermarkets here. They come from tastes like, straberry and mango. I have only tried strawberry. However, just like your aversion to jasmine tea, I too didn’t enjoy it.

    OK then, Adios amigo!!!

    ප්‍රති-පිළිතුරු සැපයීම

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න /  වෙනස් කරන්න )

Google photo

ඔබ අදහස් දක්වන්නේ ඔබේ Google ගිණුම හරහා ය. පිට වන්න /  වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න /  වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න /  වෙනස් කරන්න )

%d bloggers like this: