මෙන්න Safety

ලංකාවෙ වගේ නෙමෙයි අනෙක් ගොඩක් රටවල කර්මාන්තශාලා සහ වැඩ බිම් වලදි සේවකයින්ගෙ ආරක්ෂාව ගැන ගොඩක් සැලකිළිමත් වෙනව. ඒවගේම ගොඩක් තද නීති රීති එහෙමත් තියෙනව. සිංගප්පූරුවෙ තියෙන ඔය “සේවක වැඩබිම් ආරක්ෂාව” (Industrial Workers’ Safety) ගැන දැනුවත් කිරීමේ දේශනයකදි අපිට පෙන්නුව photo ටිකක් තමයි අද මේ post කරන්නෙ.

කොහොමද පින්තූර ටික? පිස්සු හැදෙනව නේද? ඇමරිකාවෙ New York නගරයේ Empire Estate කියන ගොඩනැගිල්ල හදන කාලෙ (1931දි විතර)  ගත්ත පින්තූර ටිකක් මේ! අරන් තියෙන්නෙ Lewis Wickes Hine කියන එක්කෙනා. මේ පින්තූර ටික ඒ දවස් වලදි ඇමරිකානු සමාජයේ ඇස් අවදි කරවන පින්තූර ටිකක් වෙලා. ඊට පස්සෙ තමයි ඔය “සේවක වැඩබිම් ආරක්ෂාව” කියන එක දිහාවට බලධාරීන්ගෙ ඇස් යොමු වෙලා තියෙන්නෙ.

Advertisements

කල්ලඩි පාළම

ඔන්න මමත් හා හා පුරා කියල පහුගිය සති අන්තෙදි යාළුවො සෙට් එකක් එක්ක නැගෙනහිර චාරිකාවක් ගියා. ඕක ඉතින් ටිකක් posh විදිහට කියනවනම් East Coast වලට visit එකක් දැම්ම. අපේ රජරට පුත්‍රයත් ඔය පැත්තෙ ගියා කියල මට දැනගන්න හම්බ වුනේ ගිහින් ඇවිත් සින්ඩිය පැත්තෙ ගිය වෙලාවෙදි. නැත්නම් අපිට එහෙදිවත් සෙට් වෙන්න තිබුන. (Plan කරගෙන හිටපු විදිහට SBU එකේ කට්ටිය සෙට් වෙච්ච වෙලාවෙදි අපි දෙන්නට සෙට් වෙන්න බැරි වුනානෙ)

පොතුවිල්, අක්කරෙයිපත්තු පහුකරගෙන මඩකළපුව පැත්තට යනකොට ඔන්න අපිට කල්ලඩි පාළම හම්බ වුනා. කපුගේ ශූරීන්ගෙ සිංදුවක තියෙනවනෙ කල්ලඩි පාළම යට ඉන්න මාළු සිංදු කියනව කියල. ඒත් අපිටනම් ඔය සිංදු කියන මාළුන්ගෙ සද්දෙ ඇහුනෙ නැහැ; ඇහුනෙ පාරෙ යන වාහන වල ඝෝෂාව විතරයි! 🙂 ඒත් ඔය පාළමවත් දකින්න හම්බ වෙච්ච එක කොච්චර දෙයක් ද?

ඔන්න අපිත් කල්ලඩි වලට ආව

කල්ලඩි පාළම යට ඉන්න මාළු සිංදු කියනවලු

නැගෙනහිර අහසෙ ලස්සන රටා මවන කුරුල්ලො

පින්තූර ටික බලන ගමන් කපුගේ ශූරීන්ගෙ කල්ලඩි පාළම ගැන කියවෙන ගීතයත් මෙතැනින් අහන්න.

සංචාරේ….

පහුගිය දවස් ටිකේ මොනවත් ලියන්න හම්බවුනේ නැහැ. මුලින්ම පාත් වුන ලෙඩේ තමයි Laptop එකේ Screen එක ගිය එක. හැබැයි මම ඒක ගන්නකොට මට අවුරුදු 3ක Pickup , Repair & Return Warranty හම්බවුනා. ඒක නිසා call එකක් දැම්ම විතරයි HP කට්ටිය ඇවිත් ඒක අරගෙන ගිහින් repair කරල ආපහු ගෙනැත් දෙනව.

ලියන්න බැරිවෙන්න අනෙක් හේතුව තමයි යාළුවෙක් එක්ක තායිලන්තෙ පුකෙට් කියන දූපතට යන්න වෙච්ච එක. ගමනට වැඩි වියදමක් නම් ගියේ නැහැ මොකද යන plane එකේ ඉඳන් ඔක්කොම budget නිසා. ගමන නම් මැක්ස. වියදම් කරපු හැම සතේම වටිනව. ඒ වගේම නියම photo ටිකකුත් ගන්න පුළුවන් වුනා. මේ ගමන ගැන වැඩිපුර විස්තර පස්සෙ ලියන්න තමයි හිතාගෙන ඉන්නෙ. දැනට මම ගත්ත photo ටිකක් බලල ඉන්නකො.

වරල්

වරල්

තේ

තේ

Pepsi on Beach

Pepsi on Beach

Phi Phi Don වෙරළ

Phi Phi Don වෙරළ

තවත් photo මෙතනින් බලන්න.

පාළුව

කාලෙකින් බ්ලොග් එකට photo එකක් දාන්න බැරිවුනානෙ. ඔන්න එහෙනම්!


මේ photo එක මම ඡායාරූපකරණයට අත පොත් තිබ්බ දවස්වල ගත්ත එකක්. ස්ථානය හෝර්ටන් තැන්න. පාවිච්චි කලේ Canon PowerShot SX100 IS කියන Point & Shoot වර්ගයේ කැමරාවක්.

Header එකටත් දාන්න හොඳයි කියල හිතුන හින්ද ඒකටත් මේකෙන් කෑල්ලක් කපල දැම්ම.

පැණි කුරුල්ලා

පැණි කුරුල්ලා

මේ photo එකත් මම අළුතින් ගත්ත Canon Rebel XTi කැමරාව පුරුදු වෙන කාලෙ ගත්ත එකක්. Focus කලේ පැණි කුරුල්ලට වුනත් අන්තිමට focus වෙලා තිබුනෙ මල් පොකුර! ඒත් මේ photo එකෙත් අමුතු ගතියක් තියෙනව කියල මට හිතෙනව.

පාවිච්චි කලේ Canon Rebel XTi කියන කැමරාවයි Canon EF 75-300mm f/4-5.6 III USM ලෙන්ස් එකයි.

පිණි වැස්ස

මේ එක ගත්තෙ අපේ ගෙවත්තෙදි. ඒකත් ඉතින් ඔය “ඡායාරූපකරණය” පිස්සුව හැදීගෙන එන දවස් වලදි. මුලදිම ගත්ත photo එකක් වුනත් “Macro” ගණයට දාන්න පුලුවන් හොඳ එකක් කියල මට හිතෙනව. පාවිච්චිකලේ  Fujifilm FinePix S5100 කියන කැමරාව.

බෝවිටියා

බෝවිටියා (Osbeckia sp.) ලංකාවෙ ඉන්න හැමෝම දන්න මලක්. ඒ තරම් ඔය පැළෑටිය ලංකාවෙ හැමතැනම වගේ විසිරිලා තියෙනව. ගමක ගත්තොත් පඳුරක් ගාණෙ තියෙන පැළෑටියක්නෙ ඉතින්!  “දං, බෝවිටියා කැළේ මැදින්….” කියල මහාචාර්ය සනත් නන්දසිරි ශූරීන්ගෙ සිංදුවක පදයකුත් තියෙනවනෙ.

මේ බෝවිටියා මල මම දැක්කෙ කිරිගල්පොත්ත කන්ද මුදුනෙදි. ඒ කියන්නෙ වළාකුළු වනාන්තරයකදි. මේ photo එක මම ගත්ත photoes වලින් මම ආසම කරන එකක්. මේක ගන්න පාවිච්චි කලේ Canon PowerShot SX100 IS කියන කැමරාව.

පසු ලිවීම : සිංගප්පුරුවෙ තියෙන “උබින්” කියන දූපතේදිත් මම බෝවිටියා දැකල තියෙනව.

Previous Older Entries