GENTING යමු

මැලේසියාවෙ KL සංචාරය ඉවර කළහම KL වලට ළඟින්ම තියෙන යන්න පුලුවන් තව තැන් දෙකක් මගෙ මතකයට එනව. පළවෙනි තැන තමයි “බටු” කියල හැඳින්වෙන ගුහාව, අනෙක් තැන තමයි

Cable Car

Cable Car

GENTING.

“බටු” කියල හැඳින්වෙන්නෙ KLවලට කිලෝමීටර 14ක් විතර දුරින් තියෙන විශාල හුණුගල් ගුහාවක්. මෙතැන දැන් “මුරුගන්” කියන දෙවියන් වෙනුවෙන් කැපවුනු හින්දු දේවාලයක් තියෙනව. ගිහින් තියෙන කට්ටිය කියන්නෙ මෙතන ලස්සන තැනක් කියල. හැබැයි මටනම් යන්න බැරිවුනා.

හැබැයි GENTING කියන තැනටනම් මම ගිහින් තියෙනව. GENTING කියන්නෙ මැලේසියාවෙ තියෙන ප්‍රධාන පෙළේ හෝටලයක්; කැසිනෝ ක්‍රිඩාවට ලෝකයේ නමගිය තැනක්. හැබැයි අපි ගියේ ඒ හෝටලයට යන්න තියෙන ආසියාවෙ දිගම කේබල් කාර් එකේ යන්නයි හෝටලය අවට තියෙන Theme Park එකේ දවසක් ගතකරන්නයි විතරයි. KL වලට ආවට පස්සෙ GENTING යන එක ගැන එච්චර වද වෙන්න දෙයක් නැහැ. KL වල පුදුරයා කියන ප්‍රධාන බස් නැවතුමේ ඉඳන් යන්න බස් සේවාවක් ඒ හෝටලය අයිති සමාගමෙන් ආරම්භ කරල තියෙනව. බස් එකේ යන්නයි එන්නයි විතරක් නෙමෙයි කේබල් කාර් එකටත් මෙතැනින් ටිකට් ගන්න පුළුවන්.

අපිට උදේ යන්න බස් ටිකට් ගන්න බැරිවුනා. ඒක නිසා ටැක්සියක් අරගෙන තමයි ගියේ.  GENTING කියන්නෙ මීදුමෙන් වැහුනු ( ලංකාවෙ හෝර්ටන් තැන්න වගේ ) කඳුකර ප්‍රදේශයක්. එහෙ තියෙන මේ හෝටලයට නම වැටිල තියෙන්නෙ ඒක හින්ඳ වෙන්න ඇති. කේබල් කාර් ගමන නම් මැක්ස. මීදුමෙන් වැහිච්ච කඳු උඩින් කේබල් කාර් එකේ යන එක නියම අත්දැකීමක්. ගාණත් අන්තිම සාධාරණයි.  එක පැත්තකට යන්න රිංගිට් 5ක් වගේ ගාණක් තමයි එක්කෙනෙකුගෙන් ගත්තෙ. අපිගිය දවස පුදුම හීතල දවසක්. යනවනම් අනිවාර්යයෙන්ම සීතලට අඳින ඇඳුම් අරගෙන යන්න. අපි ගියේ වැඩි විස්තරයක් දන්නෙ නැතිව. ඒක නිසා මුළු දවසම හීතලේ ගැහි ගැහි තමයි හිටියෙ.

GENTING

GENTING

GENTING Theme park එකනම් වචනයේ පරිසමාප්තාර්ථයෙන්ම මැක්ස! GENTING ගිහින් තියෙන මම දන්න හැමෝම කියන්නෙ ඕක තමයි. මතකද පොඩි කාලෙ සිංහල පොතේ තියෙනව “බය යනු කුමක්ද” කියල පාඩමක්? මට නම් බය යනු කුමක්ද කියල දැනුනේ GENTING වලදි තමයි.

GENTING Theme park එකේ සෙල්ලං නං ගොඩක් තියෙනව. මගෙ නම් හිත් ගත්ත සෙල්ලම තමයි “Space Shot” කියන එක. මීටර 250ක් වගේ උඩක් ඉඳන් ගුරුත්වය යටතේ බිමට වැටෙනකොට තියෙන ආතල් එක කොහොමද? (Youtube වල තිබිල හම්බවුනු Space Shot එකේ clip එකක් මෙන්න.) Flying Coaster, The Corkscrew, The Spinner, Cyclone වගේ තව ගොඩක් සෙල්ලං තියෙනව. මැක්සම වැඩේ තමයි මේ ඔක්කොම තියෙන්නෙ මීදුමෙන් වැහිච්ච අම්බානකට හීතල කඳුකර ප්‍රදේශයක වීම. හීතලේ ගැහි ගැහී බයෙන් වෙවුල වෙවුල ගත්ත experience එකනම් පට්ට. කට්ටිය GENTING ගිහින්ම බලන්නකො!

සංචාරේ….

පහුගිය දවස් ටිකේ මොනවත් ලියන්න හම්බවුනේ නැහැ. මුලින්ම පාත් වුන ලෙඩේ තමයි Laptop එකේ Screen එක ගිය එක. හැබැයි මම ඒක ගන්නකොට මට අවුරුදු 3ක Pickup , Repair & Return Warranty හම්බවුනා. ඒක නිසා call එකක් දැම්ම විතරයි HP කට්ටිය ඇවිත් ඒක අරගෙන ගිහින් repair කරල ආපහු ගෙනැත් දෙනව.

ලියන්න බැරිවෙන්න අනෙක් හේතුව තමයි යාළුවෙක් එක්ක තායිලන්තෙ පුකෙට් කියන දූපතට යන්න වෙච්ච එක. ගමනට වැඩි වියදමක් නම් ගියේ නැහැ මොකද යන plane එකේ ඉඳන් ඔක්කොම budget නිසා. ගමන නම් මැක්ස. වියදම් කරපු හැම සතේම වටිනව. ඒ වගේම නියම photo ටිකකුත් ගන්න පුළුවන් වුනා. මේ ගමන ගැන වැඩිපුර විස්තර පස්සෙ ලියන්න තමයි හිතාගෙන ඉන්නෙ. දැනට මම ගත්ත photo ටිකක් බලල ඉන්නකො.

වරල්

වරල්

තේ

තේ

Pepsi on Beach

Pepsi on Beach

Phi Phi Don වෙරළ

Phi Phi Don වෙරළ

තවත් photo මෙතනින් බලන්න.

Wired!!

ටික කාලෙකින් post එකක් දාන්නත් බැරි වුනා. පහුගිය දවස්වල මගෙ යාළුවෙක් එක්ක තායිලන්තෙ ප්‍රධාන සංචාරක ප්‍රදේශයක් වෙන පුකෙට් කියන දූපතට යන්න chance එකක් හම්බවුනා. මේ තියෙන්නෙ එහෙදි ගත්ත photo එකක්.

Wired

Wired

මොකද හිතන්නෙ? මෙතන telephone, electrical කියන ඔක්කොම lines තියෙනව. වතුර line එකක් විතරයි අඩු මගෙ හිතේ! මේකත් එක්ක බැළුවහම අපේ රට දාහෙන් සම්පතයි කියල හිතුන.

Jalan Petaling යමු! – (KL යමු අවසාන කොටස)


ලබන මාසෙ ලංකාවෙ මගෙ ගජයො සෙට් එකක් මැලේසියා එනවලු.  මම කිව්වෙ ඉතින් උන්ට සිංගප්පූරුවටත් ඇවිත් යන්න කියල. මෙහෙ ආවොත් උන්ගෙ බජට් පනිනවලු; වීසා අරගෙන තියෙන්නෙත් Single Entry ලු. කමක් නැහැ, ඒව මොනව උනත් කට්ටියටම දැනගන්න KL ගැන මම දන්න ටික ලියන එක ඔන්න ආපහු පටන් ගත්ත.

මැලේසියාවෙ සමස්තයක් වශයෙන් ගත්තහම බඩුවල ගණං අඩුයි. කොහේ හරි ගියහම ඔහේ කරන්නන්වාලෙ Shopping කරල වැඩක් නැහැ. මුලින්ම මුට්ටියක් දාල බලල තමයි මමනම් වැඩේට බහින්නෙ. ඉඳල හිටල ඔය වැඩේ upset ගියාට හුඟක් වෙලාවට වැඩේ හරියනව.

Jalan Petaling වලට ඇතුළුවෙන තැන

Jalan Petaling වලට ඇතුළුවෙන තැන

අනාගතේදි පාවිච්චි කරන්න ගන්න බඩුයි, souvenirs විදිහට ගන්න බඩුයි කියල මම නම් කොහේ හරි ගියහම ගන්න බඩු වර්ග කරල තියෙන්නෙ. පාවිච්චි කරන්න ගන්න බඩු වල quality එක වගේම ගාණත් බලනව. souvenirs විදිහට ගන්න බඩුවල ඒක සමරුවක් විදිහට කොච්චර වටිනවද කියල තමයි මම බලන්නෙ. සමහරවිට අපි ඒ රටට හරි පළාතට හරි යන්නෙ ඒ වතාවෙ විතරක් වෙන්න පුළුවන් නිසා ටිකක් ගණන් වැඩිවුණාට කමක් නැහැ කියල තමයි මගෙ අදහස. මේ ගැන වෙනත් විදිහක අදහස් තියෙන අයත් ඉන්න පුළුවන්.

KL වල shopping යන්න ඕනෙ තරම් තැන් තියෙනව. පෙට්‍රෝනාස් යට තියෙන Suria KLCC සාප්පු සංකීර්ණයෙන් පටන් ගත්තහම තරු පන්තියෙ සාප්පු සංකීර්ණ KL වල ඕනෙ තරම්! ඕවයෙන් බඩු ගන්න නම් ඉතින් වැඩිදෙයක් දැනගන්න ඕනෙ නැහැ; සල්ලි ටිකක් වැඩිපුර තියෙන්නෙ විතරයි ඕනෙ.

ඒත් ඉතින් මම කියන්න යන්නෙ අපි වගේ මධ්‍යම පාන්තිකයන්ට ගැළපෙන KL වල Street Shopping ගැන.

KL වල Street Shopping වලට හොඳම China Town කියන  area එක තමයි මම දන්න විදිහට. ඔය හරිය නිකන් කොටුවෙ මල්වත්ත පාර, Keyzer Street එක, පළවෙනි දෙවෙනි හරස් වීදි තියෙන හරිය වගේ තමයි. පාර දෙපැත්තෙ Pavement කඩ ඕනෙ තරම්.

Jalan Petaling වල Street Market එක

Jalan Petaling වල Street Market එක

ගෑණු අයගෙ අත් බෑග්, T-Shirt, Shirt, කලිසම්, මේස්, සපත්තු වගේම පෙට්‍රෝනාස්, KL Tower වගේ ගොඩනැඟිලි තියෙන souvenirs වගේ එකී මෙකී නොකී ගොඩක් දේවල් ඔය Street Market එකේ තියෙනව.

China Town වලිනුත් Jalan Petaling කියන පාරෙ තමයි ගොඩක්ම කඩ තියෙන්නෙ. (මැලේ භාෂාවෙන් Jalan කියන්නෙ වීදිය කියන එකට.) ඔය අතරෙ කෑම කන්නත් තැන් ඕනෙ තරම් තියෙනව. ඒත් ඒවයෙ පිරිසිඳුකම ගැන නම් මට එච්චර පැහැදීමක් නැහැ.

ඔය Jalan Petaling කියන පාර ආවරණය වෙන්න උඩින් වහළයක් ගහල තියෙන්නෙ. ඔය වහළය කොළපාට නිසා ඕකට කට්ටිය දැන් කියන්නෙ “Green Dragon” කියල.

ඔන්න කොහොමහරි ඔය පාරට ඇතුල් වුනා කියමුකො. මුල්ම දේ තමයි ඉන්නෙ මැලේසියාවෙ කියල මතක තියාගන්න ඕනෙ එක. තමුන්ගෙ බෑග්, පර්ස් එක වගේ ඒව ගැන හොඳ අවදානයකින් ඉන්න ඕනෙ. කඩවල ඉන්න අය මුලින්ම බඩුවක ගාණ කියන්නෙ නියම ගාණ වගේ 3, 4 ගුණයක් වැඩියෙන්. ඒක නිසා කොච්චර ඕනෙ වුනත් පැනපු ගමන් ගන්න එපා. කරන්න ඕනෙ හොඳම දේ තමයි මුළින්ම රවුමක් දාල තමුන්ට ගන්න ඕනෙ බඩු තියෙන තැන් ටිකක් මීටරේට දාගන්න එක. ඊට පස්සෙ කට්ටියම සෙට් වෙලා එකට ගිහින් ගාණ අඩුම තැන්වලින් බඩු ගන්න එක. හෙට්ටු කරල බඩුවල ගණං ගොඩක් අඩු කරගන්න පුළුවන්. හැබැයි ඒකට දක්ෂතාවයත් තියෙන්න ඕනෙ. ගොඩක් කට්ටිය එකම තැනින් බඩු ගන්නවනම් තවත් ගාණ අඩුවෙනව; ඒවගේම සෙට් එක එකට ඉන්නකොට ආරක්ෂාවත් හොඳයි.

ඔය Street Market එකෙන් souvenirs ගන්න එකනම් මම එච්චර අනුමත කරන්නෙ නැහැ; අනෙක් බඩුනම් කමක් නැහැ. Souvenirs ඒ අදාල තැන්වලින්ම ගන්න එක තමයි හොඳ. උදාහරණයක් විදිහට පෙට්‍රෝනාස්වල souvenirs පෙට්‍රෝනාස් යට තියෙන තැනින් ගන්න පුළුවන්. අදාල තැන්වල තියෙන souvenirs වල quality එක නියමෙට තියෙනව street market වල තියෙන ඒව වගේ නෙමෙයි.

මම හිතන්නෙ KL ගැන ලිව්ව ඔය ඇති. ඒත් මැලේසියාවෙ තියෙන යන්න මරු තවත් තැන් කීපයක් ගැන පස්සෙ ලියන්න බලාපොරොත්තු වෙනව.

ආපහු සෙට් වෙමු එහෙනම්!

KL (ක්වාලාලම්පූර්) යමු! – 3 කොටස

Aquaria KLCC ඇතුළේ තියෙන කෘතිම මුහුද

Aquaria KLCC ඇතුළේ තියෙන කෘතිම මුහුද

පෙට්‍රෝනාස් ගියාට පස්සෙ ලේසියෙන්ම යන්න පුළුවන් තැන තමයි Aquaria KLCC කියන මින් මැදුර. ඒකත් තියෙන්නෙත් KLCC Park එකේම තමයි. තියෙන්නෙ අස්සකට වෙන්න හින්ද map එකක් බලල තැන හොයාගන්න පුළුවන්; පෙට්‍රෝනාස් ඉඳන් ටැක්සියක යන්න තරම් දුරක් නැහැ. මේකට යන්න නම් සල්ලි දීල ටිකට් ගන්න ඕනෙ. බලන්නනම් දේවල් ගොඩක් ඒකෙ තියෙනව. ඊටපස්සෙ කට්ටියට ඕනෙ සමරු ගන්නත් shop එකක් ආපහු එලියට එන්න ඉස්සෙල්ල තියෙනව.

Aquaria KLCC බලල එලියට ආවට පස්සෙ KL Tower එක බලන්න යන එක තමයි හොඳ. මේකටත් සල්ලි දීල ටිකට් ගන්න ඕනෙ. KLCC Park එකේ ඉඳන් ඕනෙ නම් පයින් ඇවිදගෙන එන්නත් පුළුවන්; ටැක්සියක් ගත්තත් කමක් නැහැ. මේ කුළුණ තියෙන්නෙ කන්දක් උඩ. ඒ නිසා ඇතුළුවෙන තැන තියෙනෙ ගේට්ටුව ළඟ ඉඳන් tower එක ළඟට van එකක් තියෙනෙව නොමිලේ යන්න. මේක උඩට නඟින්න ගන්න ටිකට් එකෙන් එකේ තියෙන තවත් ක්‍රීඩා වගේ දේවල් වලටත් සහභාගී වෙන්න පුළුවන් ඒව ගැන විස්තර එතන ඉන්න නිළධාරීන්ගෙන් අහලල බලන්න. KL Tower එකේ උඩට නැග්ගහම ක්වාලාලම්පූර් නගරයම බලාගන්න පුළුවන්.

රෑට පෙට්‍රෝනාස් KL Tower එකේ Public Observation Platform එකට පේන හැටි

රෑට පෙට්‍රෝනාස් KL Tower එකේ Public Observation Platform එකට පේන හැටි

KL Tower එක ඇත්තටම Broadcasting Tower එකක්;  අයිතිය ලංකාවෙ ජනප්‍රිය ජංගම දුරකතන සේවා සපයන ආයතනයක් වෙන “ඩයලොග්” සමාගමේ මව් සමාගම වෙන “Axiata Group Bhd” ( ඉස්සර “Telekom Malaysia International” කියපු ) සමූහ ව්‍යාපාරයටම අයිති “Menara Kuala Lumpur Sdn. Bhd” කියන සමාගමට. සාමාන්‍යයෙන් සංචාරකයන්ට යන්න පුලුවන් Public Observation Platform කියන තට්ටුවට. Public Observation Platform එකට උඩින් Revolving Restaurant කියල අංශක 360ක් කැරකෙන ආපන ශාලාවකුත් තියෙනව. මම හිතන විදිහට නම් KL Tower බලන්න යන්න හොඳම රෑට. මොකද ඕනෑම නගරයක Skyline එකේ ලස්සන වැඩිපුරම පේන්නෙ රෑට. රෑට පෙට්‍රෝනාස් වල ලයිට් දාල තියෙන හැටි KL Tower එකට ලස්සනට පේනව. photo ගන්න අයට කියාපු scene එකක් තමයි ඕක.

දවල්ට KL Tower එකේ ඡායාව ළඟ තියෙන ගොඩනැඟිල්ලක පේන හැටි

දවල්ට KL Tower එකේ ඡායාව ළඟ තියෙන ගොඩනැඟිල්ලක පේන හැටි

KL Tower එකත් බැළුවට පස්සෙ පොඩි rest එකක් අරගෙන ආපහු shopping පාරක් දැම්ම නං හරි. හැබැයි ඉතින් KL වල තියෙන කඩවල ඉන්නෙ හොඳට මීටරේ on කරගෙන වැඩකළේ නැත්නම් අපේ කණෙන් රිංගල යන අයියල.

KL වල shopping අත්දකීම් ඊළඟට ලියන්නම්.

KL (ක්වාලාලම්පූර්) යමු! – 2 කොටස

රාත්‍රියේදී පෙට්‍රෝනාස් පාමුල සිට

රාත්‍රියේදී පෙට්‍රෝනාස් පාමුල සිට

විදුලි බුබුළු දැල්වුනු පෙට්‍රෝනාස්

විදුලි බුබුළු දැල්වුනු පෙට්‍රෝනාස්

ප්‍රංශයේ පැරිස් කිව්වහම අයිෆල් කුළුණ මතක් වෙනව වගේ මැලේසියාවෙ ක්වාලාලම්පූර් කිව්වහම මතක් වෙන්නෙ කාලයක් ලෝකයේ උසම ගොඩනැගිල්ල විදිහට කිරුළ දරාගෙන හිටපු “පෙට්‍රෝනාස්” නිවුන් කුළුණුනෙ.

KL ගියහම යන්නම ඕනෙ තැනක් තමයි මෙතන. පෙට්‍රෝනාස් ඉඳිකරල තියෙන්නෙ KL වල තියෙන KLCC Park කියන උද්‍යානයේ. (KLCC කියන්නෙ Kuala Lumpur City Center කියන එකට) ඉස්සර මේ KLCC Park එකේ තිබිල තියෙන්නෙ තුරඟ තරඟ පිටියක්. පෙට්‍රෝනාස් එක්ක තමුන්ගෙ photo එකක් ගන්න දවසකට ගොඩාක් සෙනඟ එනව. රෑට light දැම්මහම පුදුම ලස්සනක් තියෙන්නෙ. කොහොමද මේකෙ උඩට නඟින්න තියෙනවනම්. ඔව් පුළුවන්; හැබැයි ඒ ගොඩනැඟිලි වල උසෙන් භාගයකට විතරයි. ඒත් මදැයි කිසිම මුදලක් ගන්නෙ නැතුව ඔච්චරක් හරි යන්න දෙනව. හැබැයි හැම වෙලාවෙම යන්නත් බැහැ. උදේ 9 විතර ඉඳන් හවස 3 විතර වෙනකං සීමිත පිරිසකට තමයි එක දවසකට මේ අවස්ථාව හම්බ වෙන්නෙ. මට මතක විදිහට අපි උදේ 6 විතර ඉඳන් පෝලිමේ හිටිය 9ට ඇතුලට පැන ගන්න ticket ගන්න. හැබැයි ඒ අත්දැකීම නම් නියමයි. පෙට්‍රෝනාස් බලන්න එන සංචාරකයන්ට හදපු වැඩසටහනකුයි, ඒකට පත් කරපු කාර්යය මණ්ඩලයකුයි වෙනමම තියෙනව. වටිනාම දේ තමයි මේ ඔක්කොම පහසුකම් ඒගොල්ලො ඒ සංචාරකයන්ට දෙන්නෙ නොමිලයේ වීම.

Sky-Bridge එකට යන්නෙ මෙන්න මේ අධිවේගී විදුලි සෝපානයෙන් තමයි

Sky-Bridge එකට යන්නෙ මෙන්න මේ අධිවේගී විදුලි සෝපානයෙන් තමයි

මුලින්ම මේ අයගෙ ආයතනය වෙන “පෙට්‍රෝනාස්” කියන මැලේසියාවෙ තෙල් අධිකාරිය ගැනයි, මේ ගොඩනැඟිල්ලෙ ඉතිහාසය ගැනයි වාර්තා වැඩසටහනක් පෙන්නනව. ඊට පස්සෙ කොටස් වශයෙන් ඉන්න කට්ටියව හරියටම ගොඩනැඟිලි වල උසෙන් භාගයකදි ගොඩනැඟිලි දෙක යාකරන්න හදල තියෙන sky-bridge  එකට එක්කගෙන යනව. එතන මිනිත්තු 10ක් විතර ඉඳල ඇතිවෙනකම් photo ගහල වට පිටේ බලල ආපහු පල්ලෙහාට එන්න පුළුවන්.

පහල තව බලන්න ගොඩක් දේවල් තියෙනව. මේ ගොඩනැඟිලි ගැන නොයෙකුත් විස්තර තියෙන Digital Audio-Video Library එකකුත් තියෙනව. ඒක නම් මැක්ස. එතනදි නියම ආතල් එකක් වගේම නියම විස්තර ටිකකුත් දැන ගන්න පුලුවන්. ඔය Digital Library එකෙන් එලියට එනකොටම පෙට්‍රෝනාස්වල  සමරු ගන්න නොයෙකුත් ජාතියෙ සමරු තියෙන shop එකකුත් තියෙනව.

Sky- Bridge එකේ ඉඳන් පහළ බැළුවහම

Sky- Bridge එකේ ඉඳන් පහළ බැළුවහම

මට මතක විදිහට පෙට්‍රෝනාස්වල ඔක්කොම දේවල් බලල ඉවර කරන්න පැය 3ක්වත් යනව. ඕනෙ නම් එලියට ඇවිත් KLCC Park එකේ රවුමක් යන්නත් පුලුවන්. ඔය KLCC Park එක පෙට්‍රෝනාස් background එක විදිහට තියෙන photo ගන්න කියාපු තැන!

මීළඟට Aquaria KLCC මින් මැදුර ගැනයි KL Tower එක ගැනයි ලියන්නම්.

KL (ක්වාලාලම්පූර්) යමු! – 1 කොටස

ලංකාවෙ ගොඩක් අයට ගුවන් ගමන් මහ ලොකු දෙයක් වෙන්න ලංකාවෙ තියෙන ගුවන් සමාගම් වලින් නිකුත් කරණ ටිකට්වල ගාණ හුඟක් සැර වීමත් එක හේතුවක් කියල මට හිතෙනෙව. ඒත් දැන් කටුනායක ඉඳන් මැලේසියාවට “බජට්” ගුවන් සේවයක් ක්‍රියාත්මක වෙනව කියල ආරංචියි. ඒක නිසා අපේ කට්ටිය මැලේසියාවෙ යනවනම් ප්‍රයෝජනවත් වෙයි කියල  මැලේසියාවෙ අගනුවර වෙන ක්වාලාලම්පූර් ගැන මගෙ අත්දැකීම් වලින් විස්තර ටිකක් ලියන්න හිතුව.

අනෙක් රටවලට සාපේක්ෂව ගත්තහම මැලේසියාව කියන්නෙ සාමාන්‍යයෙන් වියදම් අඩු රටක්; ඉන්න හිටින්න වගේම කෑම බීමත්. එහෙ මුදල් ඒකකය වෙන්නෙ “මැලේසියානු රිංගිට්”; සාමාන්‍යයෙන් රිංගිට් එකක වටිනාකම ලංකාවෙ රුපියල් 35ක් වගෙ වෙනව.

KL යන්න ඉස්සෙල්ල මුලින්ම කරන්න ඕනෙ ගිහින් නවතින්න තැනක් හොයාගන්න එක. ඒක එච්චර අමාරු දෙයක් නෙමෙයි. මේ වෙබ් අඩවියෙන් KL වල ලාභෙට නවතින්න පුලුවන් තැන් හොයාගන්න පුළුවන්. ඒත් ගොඩක්ම ගණන් අඩු තැන්වලට යන්නත් එපා. මොකද ඒවයෙ ගණන් ගොඩක්ම අඩු; එක්කො ඒවයෙ තියෙන පහසුකම් ගොඩක් අඩුයි; නැත්නම් තියෙන්නෙ හොයාගන්න අමාරු තැනක. කෑමනම් ආපනශාල වලින් කන්න පුලුවන්. මතක තියාගන්න ඕනෙ විශේෂම දෙයක් තමයි ආරක්ෂාව.

ක්වාලාලම්පූර් නගරය ඈතට පෙනෙන ආකාරය

ක්වාලාලම්පූර් නගරය ඈතට පෙනෙන ආකාරය

මැලේසියාවෙ කොහේ ගියත් තනියම යන්න හොඳම නැති රටක්; විශේෂයෙන්ම රෑට. ඒක නිසා යන තැනක කට්ටිය එක්ක යන එක තමයි ඇඟට ගුණ; අනෙක් කාරණය තමයි වටිනා කියන දේවල් පුළුවන් තරම් නැවතිලා ඉන්න තැන තියෙනල එන එක තමයි හොඳ.

KL නගරය ඇතුලෙ එහා මෙහා යන්න නම් ටැක්සියක් පාවිච්චි කරන එක තමයි හොඳම option එක. මලක්කා වගේ වෙනත් නගර වලට යනවනම් බස් එකේ යන්න පුළුවන්.

“පුදුරයා” තමයි KL වල ප්‍රධාන බස් නැවතුම්පොළ. මැලේසියාවෙ මලයා කියන කොටසෙ තියෙන හැම ප්‍රධාන නගරයකටම වගේ මෙතනින් බස් තියෙනව. ලංකාවෙ වගේ නෙමෙයි එහෙ බස් ක්‍රියාත්මක වෙන්නෙ “සමාගම්” වලින්. ඒ කිව්වෙ හැම ප්‍රධාන බස් නැවතුම්පොලකම වගේ එතනින් තවත් තැන්වලට බස් ධාවනය කරන බස් සමාගම් වල කවුන්ටර් තියෙනව. ඒවායෙන් අපිට ඕනෙ ටිකට් ගන්න පුලුවන්. ටිකට් ගන්න ඉස්සෙල්ල පොඩ්ඩක් ඇවිදල බලල තමුන්ට යන්න ඕනෙ තැනට අඩුම ටිකට් තියෙන තැනින් ගන්න එක තමයි හොඳ. මතක තියාගන්න ඔනෙ දෙයක් තමයි කොයිම වෙලාවකවත් වැහි වැහැල ඉන්න තැරව්කාරයන්ගෙන් ටිකට් ගන්න එපා; අදාල කවුන්ටරයකින්ම ගන්න එක තමයි ඇඟට ගුණ.

නගරයක් වශයෙන් KL කියන්නෙ ගොඩක් විශාල බලන්න ගොඩක් දේවල් තියෙන නගරයක්. හැබැයි සමහර පැති ගොඩක්ම අපිරිසිඳුයි. KL වල මම දන්න විදිහට බලන්න යන්න තියෙන තැන් කීපයක් ගැන මම පස්සෙ ලියන්නම්. අන්තිමට ගිය සැරේදි දැනගත්ත ලංකාවෙ පන්සලකුත් තියෙනව කියල. හැබැයි මටනම් යන්න පුළුවන් වුනේ නැහැ. ඊළඟ පාර ගියහම යන්න ඕනෙ.

නිදිකුම්බා

“නිදිකුම්බා” කිව්වහම අපි හැමෝටම මතක් වෙන්නෙ කටු තියෙන තට්ටු කළාම ඇකිලෙන පොඩි පැළෑටියක්නෙ. අපි දැකල තියෙන නිදිකුම්බා මල රෝස පාට එකක්නෙ; ඒත් කහ පාට නිදිකුම්බා මලක්? ඔව් තියෙනව. මම මේ කහ පාට මල් පිපෙන නිදිකුම්බා දැක්කෙ සිංගප්පූරුවෙ තියෙන “ටෙකොං” කියන දූපතේදි. මේ පැළෑටියෙ මල රෝස පාට නිදිකුම්බා මලට වඩා ටිකක් ලොකුයි. කොළවල පාටත් ටිකක් තදයි.

රෝස නිදිකුම්බා

රෝස නිදිකුම්බා

kaha nidhikumbaa

කහ නිදිකුම්බා

බෝවිටියා

බෝවිටියා (Osbeckia sp.) ලංකාවෙ ඉන්න හැමෝම දන්න මලක්. ඒ තරම් ඔය පැළෑටිය ලංකාවෙ හැමතැනම වගේ විසිරිලා තියෙනව. ගමක ගත්තොත් පඳුරක් ගාණෙ තියෙන පැළෑටියක්නෙ ඉතින්!  “දං, බෝවිටියා කැළේ මැදින්….” කියල මහාචාර්ය සනත් නන්දසිරි ශූරීන්ගෙ සිංදුවක පදයකුත් තියෙනවනෙ.

මේ බෝවිටියා මල මම දැක්කෙ කිරිගල්පොත්ත කන්ද මුදුනෙදි. ඒ කියන්නෙ වළාකුළු වනාන්තරයකදි. මේ photo එක මම ගත්ත photoes වලින් මම ආසම කරන එකක්. මේක ගන්න පාවිච්චි කලේ Canon PowerShot SX100 IS කියන කැමරාව.

පසු ලිවීම : සිංගප්පුරුවෙ තියෙන “උබින්” කියන දූපතේදිත් මම බෝවිටියා දැකල තියෙනව.

කිරිගල්පොත්ත

කිරිගල්පොත්ත කන්ද ඈතට පේන හැටි

කිරිගල්පොත්ත කන්ද ඈතට පේන හැටි

අපේ කට්ටිය හොර්ටන්තැන්නට නම් ගිහින් ඇතිනෙ. ඔය ලෝකාන්තය, බේකර් ඇල්ල තියෙන්නෙ හොර්ටන්තැන්නෙනෙ ඉතින්. ඒත් ඔතනට ගිය කීයෙන් කීදෙනාද ඉතින් කිරිගල්පොත්ත කන්ද නැගල තියෙන්නෙ? කිරිගල්පොත්ත  කියන්නෙ මීටර 2392ක් උස ලංකාවෙ තියෙන දෙවෙනි උසම කන්ද. ඒත් අපිට යන්න පුලුවන් උසම තැන මොකද ආරක්ෂක හේතු නිසා පිදුරුතලාගල කන්ද දැන් නගින්න බැහැ.

අඩි පාර දිගේ

පාර දිගේ

අපි කිරිගල්පොත්ත නැග්ගෙ ටිකක් අහඹු විදිහට. මුලින්ම අපි හිතගෙන හිටියෙ සාමාන්‍ය විදිහට ලෝකාන්තය බලන්න යන්න. ඒත් අපි එදා ගිය පට්ටිපොල ඇතුලුවීමේ දොරටුවෙ දිග පෝළිමක් තිබුන ගමන් මලු පරීක්ෂා කරන්න. ඒක නිසා අපි පොලිමක් තියා කවුරුවත් යන්නවත් හිතල තිබුනෙ නැති කිරිගල්පොත්ත කන්ද නගින්න පටන්ගත්ත. මට මතක විදිහට පට්ටිපොල ඇතුලුවීමේ දොරටුවෙ ඉඳන් කිලෝ මීටර 11ක් තියෙනව පයින් යන්න කන්දෙ මුදුනට.

ගමන කොච්චර වෙහෙසකර වුනත් ආපහු බලනකොටනම් මාරම වටින ගමනක්. උදේ 10ට විතර පට්ටිපොල අතුලුවීමේ දොරටුවෙන් ඇතුලු වුනහම මට මතක විදිහට ආපහු අවෙ හවස 5ට විතර. පොඩි පොඩි රෙස්ට් අරගෙන නවත්තන්නෙ නැතුව ඇවිදින්න තමයි තියෙන්න. වටාපිටාවනම් මැක්ස!

ඊලඟ පාර හොර්ටන්තැන්නට ගියහම ඔයගොල්ලොත් මෙහෙ යන්න බලන්න.

Previous Older Entries Next Newer Entries